Прэзентацыя Першага тома Збору твораў Мікалая Мікалаевіча Улашчыка на гістарычным факультэце

3У аўдыторыі імя Уладзіміра Пічэты Гістарычнага факультэта Беларускага дзяржаўнага ўніверсітэта 27 лютага 2017 г. адбылася сустрэча з укладальнікам і выдаўцом “Збору твораў Мікалая Мікалаевіча Улашчыка” кандыдатам гістарычных навук Зміцерам Віцько. У сустрэчы прынялі ўдзел выкладчыкі, аспіранты, магістранты, студэнты і выпускнікі гістарычнага факультэта. 

Быў прэзентаваны Першы том выдання, які змяшчае 1360 старонак, пераважна прац М.М. Улашчыка па археаграфіі Беларусі. Тут надрукаваны матэрыялы і выдадзеныя раней асобнымі кнігамі, і толькі часткова друкаваныя ў папярэдні час. 

З прывітальным словам выступіў намеснік дэкана па навуцы гістарычнага факультэта БДУ Алег Іванавіч Малюгін. Звярнуўшы ўвагу на важнасць сустрэч у падобным фармаце для студэнтаў факультэта як будучых спецыялістаў.

1

У сваім выступленні Зміцер Віцько расказаў прысутным пра цяжкасці лёса выпускніка Беларускага дзяржаўнага факультэта – М.М. Улашчыка, чаму асноўная працоўная дзейнасць па археаграфіі Беларусі была праведзена па-за межамі Бацькаўшчыны, а выкладанне асобных курсаў ніколі не праводзілася ў сценах Alma Mater. Пра яго шлях у навуку, выбар навуковай спецыялізацыі і рэалізацыю сябе ў гэтым накірунку. Таксама З. Віцько расказаў прысутным пра складанасці дадзенай публікацыі і працы, якую праводзіў калектыў публікатараў над апрацоўкай і падрыхтоўкай да друку матэрыялаў М.М. Улашчыка. Укладальнік падзяліўся думкамі пра метадалогію даследчыка і яе навацыі і даследчыцкую інтуіцыю. Адказаў на пытанні прысутных.

Выступілі таксама і прадстаўнікі выкладчыцкага корпуса гістарычнага факультэта. Слова ўзяў дацэнт кафедры Крыніцазнаўства кандыдат гістарычных навук, археограф Міхаіл Фёдаравіч Шумейка. Звярнуў увагу на памяць пра М.М. Улашчыка на гістарычным факультэце БДУ і выказаў меркаванне пра канструяванне адносінаў да яго ў савецкі час, выкарыстанне напрацовак даследчыка ў працэсе падрыхтоўкі навуковых кадраў па гісторыі Беларусі. Адзначыў складанасці працы са спадчынай навукоўца. Якая раскідана паміж Масквой і Мінскам, спробы падрыхтоўкі праектаў па апрацоўцы навуковай спадчыны М.М. Улашчыка ў папярэдні сустрэчы перыяд. Міхаіл Фёдаравіч указаў на зручнасць мець працы М.М. Улашчыка “пад адной вокладкай”, бо ніводны з надрукаваных тэкстаў не згубіў сваёй актуальнасці да сёнешняга часу.

З успамінам пра прыватны бок жыцця М.М. Улашчыка і яго імкненне да Беларусі распавёў прысутным дацэнт кафедры гісторыі Беларусі старажытнага часу і сярэдніх вякоў Юрый Леанідавіч Казакоў. Ён указаў на асабістыя якасці М.М. Улашчыка, ролю сям’і ў яго жыцці, асаблівыя адносіны да Беларусі і беларускай інтэлігенцыі.

2Сваімі думкамі пра прафесійныя якасці М.М. Улашчыка падзяліўся загадчык кафедры гісторыі Расіі прафесар Алег Антонавіч Яноўскі. Разважаючы пра адносіны паміж асобнымі прадстаўнікамі кіруючых колаў факультэта і іх стаўленнем да асобы Улашчыка, ці да яго незайздроснай біяграфіі, Алег Антонавіч адзначыў у першую чаргу высокі прафесіяналізм Мікалая Мікалаевіча, які дакладна размяжоўваў прыватныя адносіны ад прафесійнай дзейнасці, адзначаючы яе нават сярод “недобразычліўцаў”.

Прэзентацыя была арганізавана сумесна кафедрамі гісторыі Беларусі старажытнага часу і сярэдніх вякоў і гісторыі Беларусі новага і навейшага часу гістарычнага факультэта Беларускага дзяржаўнага ўніверсітэта. 

Як падчас сустрэчы, так і пасля яе заканчэння выкладчыкі, студэнты і аспіранты абменьваліся думкамі пра лёс выбітнага выпускніка Беларускага дзяржаўнага ўніверсітэта, якога лёс не зламіў ні ў 30-ыя, ні ў пасляваенныя гады і дазволіў рэалізаваць сябе ў навуковай дзейнасці ў шырокім абсягу даследавання беларускага летапісання, археаграфіі, мікрагісторыі, этнаграфічных нататках і іншым.

А.Ул. Любы

Контакты

220030 г. Минск, ул. Красноармейская, 6
тел. +375 17 209-55-98
факс +375 17 327-30-14
e-mail: Этот адрес электронной почты защищен от спам-ботов. У вас должен быть включен JavaScript для просмотра. План проезда

Maladost28

Першая “Маладосць” у 2016 годзе прынясе асалоду, калі вы проста возьмеце яе ў рукі. Бо цяпер яна на бялюткай і гладкай мелаванай паперы! Што ні кажыце, а стылёвы выгляд не менш важны за якасны змест. Нарэшце “Маладосць” сумяшчае ў сабе гэтыя рэчы.

Якасны змест гэтым разам забяспечылі: паэзія Мікіты Найдзёнава, Алеся Бараноўскага, Вікторыі Смолкі, Міколы Мятліцкага; проза Веранікі Ляўчук, айца Яўстафія, Наталлі Канстанцінавай, Андрэя З-і і іншых; пераклады твораў нямецкага пісьменніка Томаса Гнілкі і эквадорскага паэта Эдвіна Мадрыда. Багаты нумар на гістарычныя матэрыялы: тут і рэпартаж з раскопак на месцы Лаўрышаўскага манастыра, расповеды пра старую мінскую электрастанцыю ды пра першую муніцыпальную бальніцу ў Гродне, а таксама артыкул пра тое, як палявала ў Белавежскай пушчы германская армія падчас Першай сусветнай вайны. Значную порцыю цікавостак вы знойдзеце ў дзённіку вандроўніка па Камчатцы Віктара Кошаля, артыкуле Людкі Сільновай пра таямнічага Зьніча і ўспамінах Генадзя Шэршаня пра ваеннае дзяцінства…

Чытайце “Маладосць” і не сумуйце: вясна не за гарамі!

president      miedu    pravo     bsu     universitet