Гісторыя ТБМ

У 1989 годзе было створана Таварыства беларускай мовы імя Францыска Скарыны. З ініцыятывай аб яго стварэнні выступілі шматлікія арганізацыі: Саюз беларускіх пісьменнікаў, Міністэрства адукацыi, Міністэрства культуры, Інстытут мовазнаўства НАНБ, Нацыянальная тэлерадыёкампанія.

ТБМ мае статус рэспубліканскага грамадскага аб’яднання. Мэтай арганізацыі з’яўляецца распаўсюджанне і адражэнне беларускай мовы і беларускай нацыянальнай культуры, а таксама абарона лінгвістычных правоў.

Вышэйшым кіруючым органам з’яўляецца з'езд, які склікаецца 1 раз у 2 гады. Кіруючы орган паміж з'ездамі — Рэспубліканская рада ТБМ, выканаўчы орган — Сакратарыят. Рэвізійная камісія кантралюе дзейнасць выбарных органаў і структурных падраздзяленняў таварыства. Яно выдае дзве штотыднёвыя газеты і літаратурна-мастацкі часопіс.

У розны час старшынямі Таварыства беларускай мовы былі Ніл Гілевіч (1989-1996), Генадзь Бураўкін (1996-1999). З 1999 года і па сённяшні дзень старшынёй з’яўляецца Алег Трусаў – студэнт гістарычнага факультэта БДУ (1976), кандыдат гістарычных навук.

У рады ТБМ уваходзілі такія выбітныя асобы, якія ўнеслі велізарны ўклад у развіццё беларускай мовы і культуры: Васіль Быкаў, Янка Брыль, Алег Лойка, Максім Танк, Артур Вольскі, Фёдар Янкоўскі і інш. Сёння ў раду ТБМ уваходзяць Уладзімір Арлоў, Васіль Зуёнак, Ніл Гілевіч, Адам Мальдзіс, Генадзь Бураўкін і інш.

Зараз у ім налічваецца каля 6 тысяч сяброў у Беларусі і за яе межамі: у Літве, Польшчы, Расіі, Украіне, Латвіі, ЗША, Канадзе, Нямеччыне і іншых краінах. У складзе арганізацыі каля 450 мясцовых арганізацый і суполак, 6 абласных арганізацый, 41 раённая і гарадская арганізацыя і 6 асобных суполак маюць дзяржаўную рэгістрацыю з правамі юрыдычнай асобы.

Адной з такіх суполак з’яўляецца ТБМ “Варта” на гістарычным факультэце. На нашым факультэце суполка пачынала сваю дзейнасць ад стварэння арганізацыі, але з часам прыпыняла сваю дзейнасць.З верасня 2009 года яна аднавіла яе і паставіла на новы ўзровень. Старшынямі былі Віталь Быль, Кацярына Захарава, Артур Кандраценка, Мікіта Курэпін, Вікторыя Макоўская. Зараз старшынёй ТБМ “Варта” з’яўляецца Вераніка Васільева.

Беларуская мова для нас – святое. Мы імкнемся не толькі яе захаваць, але і распаўсюдзіць. Адзінае, што перашкодзіць вам стаць сябрам «Варты» – гэта непавага да роднай мовы! Мы прызнаем сябе абаронцамі беларускай мовы, аднак згодныя з думкай, што мова чалавека - гэта яго асабісты выбар. Наша мэта: захаваць родную мову для наступных пакаленняў, бо ў ёй сіла і незалежнасць нашай краіны!

Контакты

220030 г. Минск, ул. Красноармейская, 6
тел. +375 17 209-55-98
факс +375 17 327-30-14
e-mail: Этот адрес электронной почты защищен от спам-ботов. У вас должен быть включен JavaScript для просмотра. План проезда

president      miedu    pravo     bsu     universitet