Тыдзень У. Караткевіча

На гістарычным факультэце адбылося святкванне Дня Народзінаў вялікага беларускага класіка У. Караткевіча! У межах "Тыдня Караткевіча" суполка ТБМ "Варта" зладзіла шэраг мерапрыемстваў. Гэта, найперш, Круглы стол, на якім у цесным сяброўскім коле адбывалася абмеркаванне творчасці і жыцця пісьменніка, кожны меў магчымасць расказаць пра месца Караткевіча ў сваім жыцці. У завяршэнне ўсіх чакаў сюрпрыз - смачны торт, свечкі на якім задулі ўсім сяброўскім калектывам.

На наступны дзень, 25 лістапада, адбылася акцыя "Магічны капялюш":студэнты і выкладчыкі мелі магчымасць атрымаць параду-цытату Караткевіча, а ў дадатак - цукерку. Завяршыўся "Тыдзень Караткевіча" эпічнымі падзеямі — першай п'есай на гістфаку "Млын на Сініх Вірах" і выступам цудоўнай беларускай спявачкі Кацярыны Ваданосавай.