Дыялогавая пляцоўка «Вярхоўны суд Рэспублікі Беларусь як гарант фарміравання і развіцця прававой дзяржавы»

Дыялогавая пляцоўка «Вярхоўны суд Рэспублікі Беларусь як гарант фарміравання і развіцця прававой дзяржавы» прайшла 5 верасня на гістарычным факультэце БДУ з удзелам суддзі Вярхоўнага суда Рэспублікі Беларусь Руслана Царука — выпускніка гістарычнага (2000 г.) і юрыдычнага (2004 г.) факультэтаў.

Сустрэчу адкрыў дэкан факультэта прафесар Аляксандр Каханоўскі. Аляксандр Генадзьевіч падкрэсліў важнасць прававых асноў дзяржавы і заклікаў студэнтаў да актыўнага ўдзелу ў дыскусіі.

У ходзе размовы былі ўзняты тэмы асноў сацыяльнай прававой дзяржавы, развіцця інтэлектуальнага і духоўна-маральнага патэнцыялу беларускага грамадства.

Асаблівую цікавасць у будучых гісторыкаў выклікалі пытанні аналітычнай ацэнкі ваенных злачынстваў і генацыду беларускага народа, абароны інтэлектуальнай уласнасці, гісторыі развіцця сістэмы правасуддзя Беларусі і інш.

Мерапрыемства прымеркавана да Дня народнага адзінства і святкавання 90-годдзя з дня заснавання гістарычнага факультэта БДУ.

Па матэрыялах сайта БДУ