29 верасня 2018 году а 14.30 на родным факультэце прайшоў паказ на беларускай мове класікі амераканскага кінафільма “Адзін дома ” Кріса Каламбуса. Кінапаказ адбыўся ў прыемнай сяброўскай атмасферы з печывам і гарбаткай…
Арганізатар - суполка ТБМ “Варта”!
15 мая ў актавай залі гістарычнага факультэта БДУ адбылася грандыёзная падзея - канцэрт “Легенды рок-музыкі па-беларуску”! Такога вы яшчэ не бачылі! У гэты дзень вы маглі пачуць любімыя песні ў зусім новым для вас фармаце. Былі прадстаўлены кампазіцыі наступных гуртоў: Three Days Grace, Linkin Park, The Cranberries, Metallica, Rammstein, Apocalyptica, Scorpions, Skillet, Evanescence, Queen, Green Day. Выконваліся песні студэнтамі гістфака, аматарамі і прафесійнымі музыкамі і спевакамі.
Неверагодная падзея адбылася на гістарычным факультэце 21 лютага – першая беларускамоўная “Хвіліна славы”! 15 удзельнікаў паказалі ўсё, на што здатны, але былі тыя, хто зачараваў залу сваёй шчырасцю, яскравасцю і талентам: маладая зорачка Маргарыта Шабар(1 месца), чароўная дама Дар’я Карэтка(2 месца) і неверагодна таленавітая дзяўчына, ад песні якой змаўкаюць гаі і дрыжыць сэрца – Дар’я Алексеюк! Усе ўдзельнікі атрымалі цудоўныя падарункі і пазітыўныя эмоцыі! Так, на гістарычным факультэце Дзень роднай мовы адсвяткавалі з шыкам і размахам!
