Міжнародная навуковая канферэнцыя «Археалогія Беларусі і сумежных тэрыторый: новыя матэрыялы і інтэрпрэтацыі»

На гістарычным факультэце БДУ 18–20 снежня адбылася Міжнародная навуковая канферэнцыя «Археалогія Беларусі і сумежных тэрыторый: новыя матэрыялы і інтэрпрэтацыі» (да 50-годдзя кафедры археалогіі і спецыяльных гістарычных дысцыплін гістарычнага факультэта БДУ і 95-годдзя яе заснавальніка Э.М. Загарульскага).

Падчас канферэнцыі было абмеркавана звыш 70 вочных і дыстацыйных дакладаў. Геаграфія ўдзельнікаў уключала вядучыя навуковыя ўстановы Рэспублікі Беларусь і Расійскай Федэрацыі (Мінск, Гродна, Гомель, Полацк, Віцебск, Магілёў, Масква, Санкт-Пецярбург, Тула, Смаленск, Бранск і інш.).

Праца канферэнцыі пачалася з прывітальных словаў дэкана гістарычнага факультэта БДУ прафесара Аляксандра Генадзьевіча Каханоўскага і заснавальніка кафедры археалогіі, этнаграфіі і дапаможных гістарычных дысцыплін прафесара Эдуарда Міхайлавіча Загарульскага.

На пленарным пасяджэнні прагучалі даклады, прысвечаныя навуковай і выкладчыцкай дзейнасці шаноўнага юбіляра, праблемам захавання і
выкарыстання археалагічнай спадчыны, папярэднім вынікам апошніх даследаванняў археалагічнага комплексу на р. Менцы, у якіх прымалі ўдзел і студэнты гістарычнага факультэта.

Падчас працы секцый адбылося абмеркаванне шырокага кола пытанняў, якія датычыліся археалогіі каменнага, бронзавага і жалезнага вякоў, сярэдніх вякоў і ранняга новага часу, падыходаў да вывучэння археалагічных артэфактаў, спецыяльных гістарычных дысцыплін, міждысцыплінарных даследаванняў. Асобная секцыя была прысвечана абмеркаванню навуковай творчасці маладых даследчыкаў.

У межах навуковага форуму працавала выстава выданняў з фондаў Фундаментальнай бібліятэкі БДУ і асабістых збораў супрацоўнікаў кафедры.

Плануецца выданне зборніку навуковых прац удзелькаў канферэнцыі.