25–26 красавіка 2014 г. адбудзецца навукова-практычная канферэнцыя “Падзеі Першай сусветнай вайны ў лёсе Заходняй Беларусі” (да 100-годдзя з пачатку Першай сусветнай вайны).
Праблемы для абмеркавання:
- Сацыяльна-эканамічнае і палітычнае становішча Заходняй Беларусі напярэдадні Першай сусветнай вайны;
- Асаблівасці палітыкі Расійскай імперыі ў прыфрантавой зоне ў 1914 – 1915 гг.;
- Фартыфікацыйнае і камунікацыйнае будаўніцтва ў Заходняй Беларусі напярэдадні і ў часы Першай сусветнай вайны;
- Баявыя дзеянні ў беларуска-украiнска-польскім памежжы ў 1915 – 1918 гг.;
- Грамадска-палітычныя і нацыянальныя рухі на акупіраваных тэрыторыях, партызанская барацьба;
- Палітыка акупацыйных улад на тэрыторыі Заходняй Беларусі;
- Адлюстраванне падзей Першай сусветнай вайны ў сродках масавай інфармацыі, літаратуры, мастацтве, фальклоры;
- Выяўленне падзей Першай сусветнай вайны ў прадметах баністыкі, нумізматыкі, фалерыстыкі, філатэліі, філакартыі і інш., калекцыяніраванне;
- Узбраенне, тэхніка, экіпіроўка і ўніформа армій, якія вялі баявыя дзеянні на тэрыторыі Беларусі;
- Вынікі і наступствы вайны для заходнебеларускага рэгіёну;
- Асобы ў вайне: знакамітыя і невядомыя;
- Бежанства: заходнебеларускі рэгіён;
- Тэрытарыяльныя падзелы на беларуска-польска-украінскім памежжы пасля заключэння Брэсцкага міру і Версальскіх пагадненняў;
- Гістарыяграфія праблемы ў гістарычнай навуцы;
- Вайна ў гісторыі малой радзімы;
- Маральна-псіхалагічныя аспекты ваенных канфліктаў.
Час правядзення канферэнцыі: 25 – 26 красавіка 2014 г.
Месца правядзення канферэнцыі – г.Пружаны, музей-сядзіба “Пружанскі палацык”.
Заявы на ўдзел у канферэнцыі і тэксты дакладаў прымаюцца да 1 сакавіка 2014 г. Тэксты дакладаў удзельнікаў будуць апублікаваны да пачатку канферэнцыі. Аргкамітэт пакідае за сабой права адбору заяў на ўдзел у канферэнцыі і тэкстаў дакладаў! Пацвярджэнне аб удзеле ў канферэнцыі будзе даслана да 5 красавіка 2014 г.
У заяве паведамляецца імя, імя па бацьку і прозвішча дакладчыка, навуковая ступень і званне, назва даклада, назва ўстановы, якую ен прадстаўляе, адрас (хатні ці ўстановы) і кантактныя тэлефоны. У заяве таксама неабходна указаць запатрабаванасць месца для пражывання.
Патрабаванні да тэкстаў дакладаў: электронны варыянт не болей за 20 тыс. знакаў, спасылкі пастаронкавыя, нумарацыя спасылак на кожнай старонцы.
Рабочыя мовы канферэнцыі: беларуская, руская, польская.
Заявы на ўдзел у канферэнцыі прымаюцца па электроннай пошце.
Кантакт: Зялевіч Юрый Сяргеевіч,
225133, г. Пружаны, вул. Савецкая, 50,
Тэл. (016) 329-03-06,
маб. +375333711342 (МТС),
тэл/факс (016) 322-18-96
е-mail: Адрес электронной почты защищен от спам-ботов. Для просмотра адреса в вашем браузере должен быть включен Javascript.
 Інфармацыйны ліст | [Навукова-практычная канферэнцыя “Падзеі Першай сусветнай вайны ў лёсе Заходняй Беларусі” (да 100-годдзя з пачатку Першай сусветнай вайны) (25–26 красавіка 2014 г. Пружаны)] | 132 kB |
