Гістарычны факультэт, кафедра гісторыі Беларусі новага і навейшага часу БДУ запрашаюць 21 мая 2015 г. прыняць удзел у пасяджэнні навуковага круглага стала «Вялікая Айчынная вайна: лёсы і подзвігі чалавека, народа, Радзімы ў гады ваеннага ліхалецця», прысвечанага 70-годдзю Вялікай перамогі.
Праблемнае поле круглага стала:
- Абарончыя баі на тэрыторыі Беларусі ў гады Вялікай Айчыннай вайны;
- Акупацыйны рэжым на тэрыторыі Беларусі ў 1941–1944 гг.;
- Грамадзянскае насельніцтва ў гады Вялікай Айчыннай вайны;
- Лёсы дзяцей у гады Вялікай Айчыннай вайны;
- Беларусы на франтах Вялікай Айчыннай і Другой сусветнай вайны;
- Роля партызанскага і падпольнага руху ў набліжэнні Вялікай перамогі;
- Вызваленне Беларусі ад нямецка-фашысцкіх захопнікаў;
- Лёс чалавека на вайне: трагічнае і гераічнае;
- Вялікая Айчынная вайна ў гістарычнай памяці народаў.
Заяўкі да ўдзелу ў пасяджэнні навуковага круглага стала неабходна да 15 мая 2015 г. даслаць на адрас электроннай пошты Адрес электронной почты защищен от спам-ботов. Для просмотра адреса в вашем браузере должен быть включен Javascript.. У заяўцы абавязкова павінны быць пазначаны прозвішча, імя, імя па бацьку (цалкам), вучоная ступень, вучонае званне, месца работы, займаемая пасада, кантактны тэлефон, адрас электроннай пошты і тэма паведамлення.
