Гістарычны факультэт Беларускага дзяржаўнага ўніверсітэта пры падтрымцы міжнароднага праекта GCRF COMPASS запрашае прыняць удзел у міжнароднай навуковай канферэнцыі «Рыжскі мірны дагавор 1921 г. у лёсах народаў Усходняй і Цэнтральнай Еўропы», прысвечанай 100-гадоваму юбілею заключэння дагавора.
У 2021 г. спаўняецца 100 гадоў заключэння аднаго з найбольш важных міжнародных дагавораў XX ст. – Рыжскага мірнага дагавора 1921 г. Гэты дагавор не толькі стаў завяршэннем ваеннага канфлікту паміж РСФСР і Польскай Рэспублікай, але таксама вызначыў межы краін ва ўсходняй частцы Еўропы амаль на два дзесяцігоддзі, зафіксаваў расклад сіл супрацьборствуючых бакоў, заклаў новыя супярэчнасці ў міжнародных адносінах і адыграў важную ролю у лёсах усіх народаў Усходняй і часткова Цэнтральнай Еўропы. Гістарычныя пытанні, звязаныя з Рыжскім мірным дагаворам, вельмі разнастайныя і ахопліваюць перыяд ад Першай сусветнай вайны, да пачатку Другой сусветнай на геаграфічным абшары Цэнтральнай і Усходняй Еўропы. Запрашаем да ўдзелу у канферэнцыі спецыялістаў па розных аспектах гісторыі Цэнтральнай і Усходняй Еўропы канца XIX -- першай паловы XX ст.
Навуковыя напрамкі работы канферэнцыі:
- Рыжскі мірны дагавор 1921 г.: прычыны і наступствы падпісання;
- Рыжскі мірны дагавор 1921 г. і еўрапейская дыпламатыя;
- беларускае пытанне на савецка-польскіх мірных перамовах;
- войны, рэвалюцыі і сацыяльныя канфлікты на тэрыторыі Ўсходняй і Цэнтральнай Еўропы ў канцы XIX – першай палове XX ст.;
- фарміраванне нацый і нацыянальных дзяржаў на тэрыторыі Ўсходняй і Цэнтральнай Еўропы ў канцы XIX – першай палове XX ст.;
- сацыяльна-эканамічныя пераўтварэнні ва Ўсходняй і Цэнтральнай Еўропе ў канцы XIX – першай палове XX ст.;
- этна-канфесійныя працэсы на тэрыторыі Ўсходняй і Цэнтральнай Еўропы ў канцы XIX – першай палове XX ст.;
- сучасныя тэндэнцыі і навацыі вывучэння гісторыі краін Ўсходняй і Цэнтральнай Еўропы ў канцы XIX – першай палове XX ст.;
- ліквідацыя Рыжскага дагавора ў пачатку Другой сусветнай вайны.
Месца правядзення канферэнцыі: Мінск, гістарычны факультэт БДУ (вул. Чырвонаармейская 6)
Час правядзення канферэнцыі: 26 сакавіка 2021 г. 10.00
Рабочыя мовы канферэнцыі: беларуская, руская, англійская
Для ўдзелу ў канферэнцыі неабходна да 18 сакавіка 2021 года даслаць на электронную скрыню арганізацыйнага камітэта Адрес электронной почты защищен от спам-ботов. Для просмотра адреса в вашем браузере должен быть включен Javascript. тэкст дакладу і заяўку ўдзельніка. У заяўцы абавязкова павінны быць указаны прозвiшча, iмя, iмя па бацьку (цалкам), вучоная ступень, вучонае званне, назва ўстановы, якую прадстаўляе дакладчык (афіліяцыя), пасада, кантактны тэлефон, адрас электроннай пошты і тэма паведамлення. Праграмны камітэт пакідае за сабой права адбору заявак для ўдзелу ў канферэнцыі і дакладаў для публікацыі. Праезд, пражыванне і харчаванне ўдзельнікаў канферэнцыі за кошт камандзіруючай арганізацыі. У залежнасці ад эпідэміялагічнай абстаноўкі праграмны камітэт пакідае за сабой права правядзення канферэнцыі ў фармаце “online”. Па выніках канферэнцыі плануецца выданне зборніка. Тэксты паведамленняў для зборніка неабходна прыслаць на адрас Адрес электронной почты защищен от спам-ботов. Для просмотра адреса в вашем браузере должен быть включен Javascript. да 16 красавіка 2021 г. Патрабаванні да афармлення дакладаў можна знайсці ў прымацаваным інфармацыйным лісце.
Да публікацыі прымаюцца матэрыялы аб'ёмам да 15 тыс. знакаў
Зборнік матэрыялаў будзе выдадзены па выніках правядзення канферэнцыі. Адрас праграмнага камітэта: 220030, г. Мінск, вул. Чырвонаармейская, 6, гістарычны факультэт БДУ, каб. 41.
Тэлефон для даведак: (+375 17) 374 63 71;
e-mail: Адрес электронной почты защищен от спам-ботов. Для просмотра адреса в вашем браузере должен быть включен Javascript.
 Інфармацыйны ліст | [Міжнародная навуковая канферэнцыя «Рыжскі мірны дагавор 1921 г. у лёсах народаў Усходняй і Цэнтральнай Еўропы» (26 сакавіка 2021 г., Мінск)] | 340 kB |
| Информационное письмо | [Міжнародная навуковая канферэнцыя «Рыжскі мірны дагавор 1921 г. у лёсах народаў Усходняй і Цэнтральнай Еўропы» (26 сакавіка 2021 г., Мінск)] | 350 kB |
| Information letter | [Міжнародная навуковая канферэнцыя «Рыжскі мірны дагавор 1921 г. у лёсах народаў Усходняй і Цэнтральнай Еўропы» (26 сакавіка 2021 г., Мінск)] | 313 kB |
| Праграма канферэнцыі | [Міжнародная навуковая канферэнцыя «Рыжскі мірны дагавор 1921 г. у лёсах народаў Усходняй і Цэнтральнай Еўропы» (26 сакавіка 2021 г., Мінск)] | 953 kB |
