Галоўнай мэтай плануемага навуковага мерапрыемства з’яўляецца прадстаўленне дыскусійнай пляцоўкі для маладога пакалення даследчыкаў гісторыі Беларусі Сярэднявечча і ранняга Новага часу. Навуковай праблематыкай чытанняў бачыцца разгляд асобы ў гісторыі ў розных аспектах яе праяўлення – ад стварэння біяграфій, аналізу дзейнасці і ўкладу гістарыячнай асобы эпохі Вялікага Княства Літоўскага да гістарыяграфічных пытанняў і навуковых біяграфій даследчыкаў эпохі. Чытанні паспрыяюць пошуку новых метадалагічных падыходаў, прэзентацыі вынікаў даследаванняў для студэнтаў-гісторыкаў, магістрантаў і аспірантаў гістарычнага факультэта БДУ, а таксама падтрыманню навуковых традыцый у вывучэнні мінулага Вялікага Княства Літоўскага, гістарыяграфіі і крыніц па гісторыі Беларусі і ўсяго рэгіёна закладзеныя супрацоўнікамі Кафедры.

Прапануем наступныя пытанні да шырокага абмеркавання:

• Навуковая спадчына Ю.М. Бохана; канцэптуальныя падыходы да вывучэння сацыяльнай і ваеннай гісторыі Беларусі;
• Гістарыяграфія гісторыі Вялікага Княства Літоўскага ў ХХ–пачатку ХХІ ст.; гісторыя кафедры гісторыі Беларусі старажытнага часу і сярэдніх вякоў;
• Крыніцы па персанальнай гісторыі Сярэднявечча і ранняга Новага часу;
• Чалавек Сярэднявечча і чалавек ранняга Новага часу; біяграфістыка як накірунак у даследаваннях гісторыі Беларусі эпохі Вялікага Княства Літоўскага;
• Гісторыя Вялікага Княства Літоўскага Сярэднявечча і ранняга Новага часу ва ўмовах трансфармацый Цэнтральнай і Усходняй Еўропы;
• Інтэлектуальная гісторыя і гісторыя культуры Беларусі XIII – XVIII ст..

Рабочыя мовы канферэнцыі: беларуская, руская.

Час правядзення: 11 красавіка 2024 г.

Месца правядзення: Гістарычны факультэт БДУ, Мінск, вул. Мендзялеева, 36.

Фармат дакладаў і рэгламент: пленарнае выступленне – да 20 хв.; секцыйнае паведамленне – да 15 хвілін.

Заяўкі з указаннем прозвішча, імя і імя па бацьку; наймення структурнага падраздзялення, курса, групы; кантактных дадзеных (тэлефон, адрас электроннай пошты); тэмы паведамлення і тэзісы (да 2 тыс. знакаў) дасылайце да 6 красавіка 2024 г. на адрас электроннай пошты: кандыдату гістарычных навук, дацэнту Любаму Андрэю Уладзіміравічу (Адрес электронной почты защищен от спам-ботов. Для просмотра адреса в вашем браузере должен быть включен Javascript.).

Аргкамітэт пакідае за сабой права адбору заявак.